TRANSENNA

TRANSENNA

apud Paulinum, Ep. 12. ad Seu. ubi transennae pellucentis mem init, ianua est opere reticulatô seu cancellatô sa cta, per quam aspectus utcumque transit, unde nomen, et phrasis, per transennam aspicere. Cicer. de Orat. l. 1. c. 35. Nunc pete a Crasso, ut illam copiam ornamentorum suorum, quam constructam uno in loco quasi per transennam praetereuntes strictim aspeximus. Visum nempe transmittunt eiusmodi fenestrae δικτυωταὶ seu cancelli, sed satis obscurum et incertum: unde quae non plene, nec plane videmus, quasi per transennam et strictim aspicere dicimur. Graecis κίγκλις, item κάγκελλος, ςθύρα porro δικτυωτὴ, διαφανὴς, διάτρητος, transenna. Unde diatricam speciem palvo post Paulinus vocat, quam transennam pellucentem prius dixerat. Zelosias hodie vocant Galli etc. Et quidem apponebantur huiusmodi clathri vel integris foribus, vel summis solum, ut per eos prospicerentur, qui fores pultaverant, antequam recluderetur ostium. Quô posteriore modô capit,

in historia Paschatis, Bochartus vocem Hebraeam Gap desc: Hebrew, quam communiter superliminare reddunt, Exod. c. 12. v. 22. Tum acceptum fasciculum hyssopi intingetis in sangume ipsius --- et admovebitis super liminari, duobusque postibus de sanguine illo. Vide eum Hieroz. Parte prior. l. 2. c. 50. Erat autem transennae in aedibus privatorum, in Circo, in Templis: Et quidem transennas infima Latinitatis aetas dixit septa cancellatô opere facta, quibus Sanctuarii locus, et aedis intimum, a reliquis partibus discriminabatur, ut videre est apud Anastasium passim, et supra ubi de Cancellis, item in voce Caula: plura hanc in rem vero apud Salmas. ad Solin. p. 921. et 922. Sed et Transenna, apud Plautum, machina est, ut crates, capiendis turdis, reticulatô itidem opere facta. Ita enim is, Bacch. act. 4. sc. 6. v. 22.

Nunc ab transenna turdus lumbricum petit,

Pendebit hodie pulchre, ita intendi tenus.

Idem ibid. Vide quoque Brodaeum, Miscellan. l. 4. c. 19. et Christ. Becmannum, Origin. L. L. nec non supra ubi de Perdice venatore.